مساواة عالزووم : التصوير والتوثيق من مهنة المختصين الى مهنة الشعب

عالزووم - الكاملة
23.06.2021

زمان وانا في ريعان شبابي، وفي اوج مراهقتي، كنت ادوّر على انسب وظيفة الي بالحياة، وتأرجحت ما بين اني اصير قاضي، وبعدين صرت بدي اكون طبيب جراح - تأثير جورج وسوف كان كبير عليّ- وبعدين صرت بدي اكون محامي- او بالأحرى ابوي كان به اني اصير محامي- وطباخ، وشوفير تراك، ومغنّي- بالأساس مغنّي- ومدير شركة عقارات، ومختص في مجال الفضاء، وعالم بيولوجيا، وشوفير امبولانس، كل شي تقريباً كنت احلم اصيره، كل شي الا احد مشتقات الرياضة طبعاً… بس في مهنة الي تقريباً كلنال كنا بدنا نكونها وجربنا انه نكونها. واليوم غالبيتنا عم منكونها الى جانب حياتنا العادية.. بجيل 15 هيك شي سافرت مع فرقة الدبكة المحلية -تخافوش ما كنتش ادبك، كنت دربكجي وردّيد، ولهاد الموضوع راح نخصص حلقة- المهم، في رحلة الى قبرص وتركيا، مررنا على استانبول، وبالسوق شفت كاميرا جداً قديمة -لهداك الوقت كانت قديمة كمان- الكاميرا كانت على بسطة زغيرة في الشارع وصاحبها طلب سعر لا يضاهى، يعني حتى المراهق الي معه مصروف محدد لكل الرحلة من اهله قدر يشوف انه السعر رخيص وممتاز..

اشتريت الكاميرا وبدأت مسيرتي المهنية في عالم التصوير وقررت اني اوثق الرحلة بكاميرتي الي كانت مع قشاط وبتقدر تعلقها على رقبتك، ولأ.. مش بس هيك، قررت اني ابيع الصور لشي جريدة تنشرهن على صفحاتها وتكتب عن معالم تركيا وقبرص وتحت الصورة تكتب بعدسة عامر حليحل- وصور يا ابو الشباب، وخلص اول فيلم، وخهلص الثاني- الى اشبالنا، كاميرات زمان كان لازم تحط فيها شريط بشبه قشاط البنطلون عشان الصورة تنطبع عليه وبعدين بتاخد الشريط عند محل مختص عشان يحمّض الشريط ويطلعلك الصور على ورق، انتوا مالكوا ومال هالحكي شغلة مشربكة بتركبش عمخ اجيال التيكتوك- 5 افلام معالم تركية وقبرصية، 5 افلام كاملة متكاملة من التوثيق روّحت فيهن عالبلد، ورحت على الاستوديو احمضهن، رجعت بعد اسبوع- اشبالنا الاعزاء والعزيزات كان بحاجة نستنا اسبوع عشان نشوف الصور الي صورناها- لم شافني صاحب الاستوديو حاول يتجاهلني ونزل عينيه عني، فهمت انه في اشي غلط، بقله طلعوا الصور، قلي اه طلعوا
وينهن؟
هيياهن
طلّع رزمة هيك من الجارور، وحطهن قدامي، انا بلهفة المبدع الفنان الذي سهر الليالي على عمله بفتح وبقلّب، والا كل الصور مغبشة، ولا صورة فيها اشي واحد واضح الماعلم، شو هاد بقله، قلي هاد الي صورته حضرتك، كنّك مش كاين تعيّير الفوكوس، بقله: اي فوكوس؟ شو يعني فوكوس؟
هز براسه بشفقة وقلي عمي انتي مين علمك تصور؟
انا سكتت وصمتت وسبيت على التاجر التركي الي باعني كاميرا بدها عيار ومن وقتها اعتزلت التصوير وانا في قمة عطائي لكن الظروف اقوى مننا..
اجا الوقت نقول انه عنوان الحلقة "التصوير والتوثيق من مهنة المختصين الى مهنة الشعب.



الأعزاء، مشاهدات ومشاهدي قناة مساواة،
أهلا وسهلا بكم في حلقة جديدة من برنامج "عالزّووم"، - البرنامج الي بيوصل للبيوت، بيوت المشاهدات والمشاهدين وبيوت ضيوفه، وبطرح تساؤل عن موضوع معيّن، سؤال بحب اسمع جواب عليه، وبلتقي مع ضيوف ممكن يقدروا يجاوبوا على اسئلتي ومتأكد انهن راح يرتبولي افكاري…


----------

في هاي الحلقة من برنامج "عالزووم" راح يكون معي موثقين ومصورين واعلاميين
انا كتير سعيد اني احاور،

ربيع عيد
صحفي وناشط
وثّق أحداث مدينة حيفا في الهبة الأخيرة.

عايدة قعدان
صانعة افلام، كاتبة سيناريوهات ومخرجة.
بكالوريا في دراسات السينما والإخراج.


يلا عالزووم




قناة مساواة الفضائية، صوت فلسطينيي الداخل - لاول مرة منذ ٧٠ عام

قناة مساواة الفضائية تبث عبر الحيّز الفضائي الفلسطيني PalSat وعلى مدار القمر NileSat من خلال التردد التالي :

Downlink frequency - الترد :
12645 MHZ

Polarity - الاستقطاب:
Horizontal

Symb.Rate - معدل الترميز:
27.500 MS/s

FEC - تصحيح الخطأ :

5/6

عربسات Arabsat Badr 4 at 26.0 east

DL: 11958 H
SR: 27500
FEC: 5/6

للتواصل:

بريد الكتروني:
[email protected]

للتفاعل:

الموقع الالكتروني:
www.musawachannel.com

فيسبوك:
https://www.facebook.com/musawachannel

تويتر:
https://twitter.com/musawachannel

يوتيوب:
https://www.youtube.com/channel/UCwJbDUmIxc-JX8PX53ek2Zg/feed

بينترست:
https://www.pinterest.com/musawachannel

فيميو:
https://vimeo.com/musawachannel

غوغل+:
https://plus.google.com/u/0/b/115185778161375637310/115185778161375637310/posts/p/pub?_ga=1.123333704.2101815806.1418341384

#_٤٨
48_#
‫#‏فلسطين_٤٨‬
‫#‏فلسطين_48‬
‪falasteen_48#‎‬
‫#‏عرب_٤٨
‪‎arab_48#‬
‫#‏تواصل‬
‫#‏اكسر_حصارك‬
‫#‏بلشنا_نرجع‬
‫#‏شعب_واحد‬
‪#‎mosawah‬
#musawa
#musawachannel
mosawah.com#
#musawachannel.com
‪#‎Equality‬
‪#‎égalité‬
‫#‏مساواة‬
‫#‏حق‬
‫#‏عدالة‬
‫#‏تساوٍ‬
‫#‏تعادل‬
‫#‏تماثل‬
‫#‏تسوية‬
‫#‏معادلة‬